Dyddiadau
Manylion y cwrs
- Amser: 10:00am tan 16:30pm (9:45am cyrraedd ar gyfer te/coffi a chofrestru)
- Lleoliad: Coed Pella, Bae Colwyn
- Hyfforddwr: Training 2 Care
- Gwasanaethau targed: Lles Cymunedol, Tîm Anableddau, Gwasanaethau a Gomisiynir (PIVs), Tîm Pobl Ddiamddiffyn.
- Grŵp targed: Byddai’n rhaid i fynychwyr weithio mewn tîm lle mae dysgu am Ddementia’n bwysig i’w swydd.
Nodau ac amcanion y cwrs
Mae DIET yn gwrs hyfforddi 6 awr sy’n cyfuno elfennau o ddysgu trwy brofiad, dysgu yn yr ystafell ddosbarth a thrafodaethau grŵp i helpu dysgwyr i ddeall rhai o’r anawsterau y gallai pobl â dementia eu hwynebu yn ystod amser bwyd.
Fel rhywun sy’n cymryd rhan yng nghwrs DIET, byddwch chi’n ymchwilio i amrywiaeth o ffactorau a allai ddylanwadu ar y bwyd y mae pobl yn ei fwyta a’r hylif y mae pobl yn ei yfed, yn gadarnhaol ac yn negyddol, ac yn darganfod ffyrdd o gefnogi pobl i fwyta ac yfed.
Mae DIET yn ymwneud â gwella’ch dealltwriaeth ac edrych ar ffyrdd newydd o gefnogi pobl a’r nod yw cynyddu faint o fwyd a diod y mae pobl yn ei fwyta/yfed a sicrhau bywyd gwell iddynt.
Canlyniad Dysgu
Dogfennau - Deall pwysigrwydd dogfennau mewn perthynas ag amser bwyd a sut gellir eu defnyddio i gefnogi pobl â’r bwyd y maent yn ei fwyta a’r hylif y maent yn ei yfed.
Y Synhwyrau a Dementia - Deall sut gall materion synhwyraidd amrywiol sy’n gysylltiedig â dementia gael effaith ar y bwyd y mae pobl yn ei fwyta a’r hylif y mae pobl yn ei yfed.
Agnosia a Bwyd - Deall beth yw agnosia a’r problemau mae’n gallu eu hachosi o ran adnabod bwyd a diod.
Anhwylderau Cyfathrebu - Deall sut gall anhwylderau cyfathrebu gael effaith ar allu unigolyn i ddarllen bwydlenni neu wneud dewisiadau bwyd a diod.
Offer Addasol - Archwilio gwahanol fathau o offer addasol y gellir eu defnyddio ar gyfer amser bwyd, pam eu bod yn cael eu defnyddio a nodi rhwystrau a ffyrdd i’w goresgyn.
Yr Ardal Fwyta - Deall sut gall gormod o flerwch yn yr ardal fwyta achosi problemau i bobl gyda dementia yn ystod amser bwyd, a sut i greu ardaloedd bwyta cynhwysol o ran dementia.
Cefnogi Unigolion i Fwyta - Deall pwysigrwydd safle eistedd a dysgu technegau i helpu pobl i fwyta.
Ar ôl cwblhau’r cwrs hwn, bydd cynrychiolwyr yn meddu ar y sgiliau a’r wybodaeth i:
- Fagu perthnasau mwy cadarnhaol a ffyddiog gydag unigolion sy’n byw â dementia
- Cydnabod yr ystod o wahanol anawsterau y gall unigolion eu hwynebu o ran amser bwyd a darparu cefnogaeth sy’n canolbwyntio ar yr unigolyn mewn perthynas â bwyta ac yfed.
- Gwell dealltwriaeth o’r offer addasol a ddefnyddir a gweithio tuag at oresgyn rhwystrau posibl wrth gyflwyno offer newydd i unigolyn.
- Addasu eu dull wrth gefnogi pobl â dementia i fwyta ac yfed drwy fod yn fwy ymwybodol o’u hymddygiad eu hunain a sut gallai hyn effeithio ar y pethau y mae pobl yn ei fwyta a’r hylif y maent yn ei yfed.
- Gwella ansawdd y gefnogaeth mae pobl yn ei chael drwy gael gwell dealltwriaeth o’u hanghenion a’u gofynion
- Gallu ystyried yr amgylchedd bwyta a nodi newidiadau cadarnhaol y gellir eu gwneud i wella amser bwyd
Am wybodaeth bellach, neu os ydych wedi archebu lle ar y cwrs a heb dderbyn hysbysiad i fynychu cysylltwch â’r Tîm Gweinyddol Dysgu a Datblygu’r Gweithlu. Peidiwch â mynychu unrhyw gwrs oni bai’ch bod wedi derbyn hysbysiad yn cadarnhau bod lle i chi oherwydd mae’n bosibl y bydd y digwyddiad yn llawn.