Hyfforddiant Dehonglydd Dementia

Manylion y cwrs

Course aims and objectives

Y cwrs Dehonglwyr Dementia trwy brofiad yw’r genhedlaeth nesaf o hyfforddiant sy’n benodol i bobl sydd â dementia. 

Un o’r agweddau mwyaf allweddol ar gefnogi pobl â dementia yw gallu adnabod a deall y newidiadau mewn cyfathrebu a fydd yn anochel yn digwydd ar eu siwrnai bersonol o ddementia.

Mae’r cwrs dehonglydd dementia yn dangos yr effaith ar gyfathrebu a’r angen i staff ddechrau deall a chyfieithu iaith dementia.

Mae’r cwrs wedi ei ddylunio i alluogi unigolion i gyfathrebu’n fwy effeithiol gyda’r rhai sydd â dementia.  I adnabod fod ymddygiad yn aml yn ffordd o gyfathrebu sydd angen ei gyfieithu i wella ansawdd bywyd pobl sydd â’r clefyd hwn. 

Rhan o’r cwrs yw hyfforddiant trwy brofiad gan ddefnyddio offer arbennig a fydd yn gostwng eich gallu yn raddol i gyfathrebu’n effeithiol.

Felly byddwch yn cael profiad o’r rhwystrau cyfathrebu ar amrywiol lefelau, gan eich rhoi yn esgidiau rhywun sydd â dementia.

Am wybodaeth bellach, neu os ydych wedi archebu lle ar y cwrs a heb dderbyn hysbysiad i fynychu cysylltwch â’r Tîm Gweinyddol Datblygu’r Gweithlu a Dysgu.

Peidiwch â mynychu unrhyw gwrs oni bai’ch bod wedi derbyn hysbysiad yn cadarnhau bod lle i chi oherwydd mae’n bosibl y bydd y digwyddiad yn llawn.