Dyddiadau
- 2024: 13 Mehefin
- 2025: 20 Chwefror
Manylion y cwrs
- Amser: 9:30am tan 4:30pm
- Lleoliad: Coed Pella, Bae Colwyn
- Gwasanaethau targed: Trawsffurfio Busnes, Lles Cymunedol, Tîm Anabledd, Cefnogaeth ac Ymyrraeth Teulu, Plant sy'n derbyn Gofal, Pobl Hŷn ac Atebion Iechyd Cymru, Safonau Ansawdd, Tîm Pobl Ddiamddiffyn, Gwasanaeth Cyfiawnder yr Ifanc.
- Grŵp targed: Pob ymarferydd sy'n cynnal ymyrraethau gydag oedolion a phobl ifanc.
Nodau ac amcanion y cwrs
Nid bwriad y cwrs byr yma yw cynnig therapi na mynd i’r afael â gwraidd yr achos, ond bydd yn arfogi’r cyfranogwyr gyda thechnegau syml i helpu’r rhai rydych yn gweithio gyda nhw i reoli eu pryder fel y gallant lwyddo i gyrraedd eu hamcanion.
Er mor wych yw’r ymennydd, nid yw’n gallu gwahaniaethu rhwng perygl go iawn sy’n digwydd i rywun, a meddyliau brawychus. Mae rhan isaf yr ymennydd yn synhwyro perygl, gan gychwyn cyfres o ymatebion seicolegol a byddwn yn dechrau teimlo ofn.
Mae pawb yn teimlo pryder ar adegau, ond i rai mae’n fwy cyson, yn fwy difrifol ac yn effeithio ar eu bywyd bob dydd.
Cynnwys y cwrs:
- Dod i ddeall pam mae pryder mor gyffredin yn ein grŵp o gleientiaid.
- Dysgu am niwroffisioleg pryder.
- Cael trosolwg o ddulliau cyfoes o’r top i lawr, o’r gwaelod i fyny er mwyn rheoli pryder.
- Gweld sut mae osgoi’r mater yn gwaethygu pryder.
- Defnyddio dulliau gwybyddol o helpu pobl gyda’u meddyliau.
- Defnyddio dulliau corfforol i helpu pobl leddfu'r teimlad.
- Gallu helpu cleientiaid i greu eu pecyn cymorth cyntaf emosiynol eu hunain.
Am wybodaeth bellach, neu os ydych wedi archebu lle ar y cwrs a heb dderbyn hysbysiad i fynychu cysylltwch â’r Tîm Gweinyddol Datblygu’r Gweithlu a Dysgu. Peidiwch â mynychu unrhyw gwrs oni bai’ch bod wedi derbyn hysbysiad yn cadarnhau bod lle i chi oherwydd mae’n bosibl y bydd y digwyddiad yn llawn.