Crynodeb o’r digwyddiad:
Treuliwch y diwrnod mewn dau o leoliadau bywyd gwyllt gorau’r ardal, yn darganfod adar gwyllt y foryd, morlynnoedd a gwlâu hesg RSPB Conwy gyda'r warden, cyn symud ymlaen ar daith gerdded dan arweiniad Warden y Parc Gwledig o gwmpas y rhostir a chlogwyni adar môr anhygoel y Gogarth.
- Cost £7 (£5.50 i aelodau’r RSPB), taladwy ymlaen llaw.
- Gwisgwch esgidiau cerdded cadarn, dewch â binocwlars os oes gennych rai a lluniaeth.
- Cynghorir chi i wisgo dillad gwrth-ddŵr
- Dim cŵn os gwelwch yn dda
- Nodwch y bydd y prynhawn ar y Gogarth yn cynnwys taith gerdded ar lwybrau cul drwy rostir a thros dir creigiog, felly mae angen bod yn hyderus mewn amodau o’r fath. Mae grisiau mewn rhai mannau hefyd.
- Anaddas ar gyfer cadeiriau olwyn a chadeiriau gwthio
- Mae croeso i oedolion a theuluoedd; cyn archebu, ystyriwch fod hwn yn ddigwyddiad drwy’r dydd ac mae’n cynnwys llawer o gerdded
- Bydd y digwyddiad yma’n cael ei gyflwyno yn Gymraeg a Saesneg
Lleoliad:
- Y bore yn RSPB Conwy: cyfarfod yn y ganolfan ymwelwyr am 10am – gorffen am 12.30pm. Bydd angen i chi drefnu eich trafnidiaeth eich hun rhwng y gwarchodfeydd natur. Dewch â’ch cinio eich hun – fel arall, bydd siop goffi’r RSPB ar agor os ydych chi’n dymuno prynu cinio
- Y Prynhawn ym Mharc Gwledig y Gogarth: cyfarfod ym maes Parcio Ffordd Sant Tudno (SH 769 835), uwchben Eglwys Sant Tudno, am 1.30pm – ac yn gorffen tua 4.30pm
Dyddiad ac amser:
- Dydd Sul 20 Mai 2018, 10am – 4.30pm (oddeutu)
Gwybodaeth archebu:
- Mae archebu lle’n hanfodol (drwy RSPB Conwy)
- Ffoniwch 01492 581025
- Lleoedd yn brin
- Sicrhewch eich bod wedi darllen ein telerau ac amodau cyn gwneud eich archeb