Daeth yr ymgynghoriad hwn i ben ar 20 Rhagfyr 2022.
Gweld y cais cynllunio a chyflwyno sylwadau:
Ymgynghoriad
Cynhaliwyd yr ymgynghoriad cyn ymgeisio rhwng 22 Tachwedd a 20 Rhagfyr 2022. Roedd y cynlluniau ar gael i’w gweld ar wefan y Cyngor, yn llyfrgell Bae Cinmel ac mewn digwyddiad galw heibio cyhoeddus ar 8 Rhagfyr 2022 yng Nghanolfan Adnoddau Cymunedol Cyngor Tref Tywyn a Bae Cinmel.
Crynodeb o adborth yr ymgynghoriad
- Daeth 35 o bobl i’r digwyddiad galw heibio.
- Cawsom 15 o ymatebion o'r ffurflen adborth ar ein gwefan, a 13 o ymatebion papur.
- Cawsom hefyd 18 e-bost gyda sylwadau gan y cyhoedd.
- Cawsom sylwadau cryf o blaid y gwelliannau arfaethedig i amddiffynfeydd yr arfordir, a fydd yn cael gwared ar bryder parhaus trigolion am lifogydd.
- Cafwyd sylwadau am y perygl o lifogydd o afonydd lleol, sy’n gyfrifoldeb Cyfoeth Naturiol Cymru ac sydd ar wahân i’r cynllun hwn.
- Mynegodd rhai pobl bryderon am uchder y morglawdd arfaethedig a fyddai’n cyfyngu ar olygfeydd, gan gynnwys y golygfeydd o'r parc gwyliau ac i blant ar lwybr yr arfordir.
- Roedd rhai trigolion yn pryderu y byddai ‘parklets’ neu lochesi yn dod yn ganolbwynt ar gyfer ymddygiad gwrthgymdeithasol.
- Roedd sylwadau eraill yn ymwneud ag ecoleg, a’r dymuniad i adael llonydd i dwyni a deunyddiau a phlanhigion lleol.
- Cafwyd sylwadau cadarnhaol am rampiau hygyrch a chanllawiau ar gyfer mynediad i'r traeth.
- Codwyd rhai pryderon ynghylch y cymysgedd o feicwyr, cerddwyr a defnyddwyr sgwteri symudedd ar y llwybr a rennir.
- Roedd adborth hefyd yn cynnwys materion yn ymwneud â gwastraff cŵn, darpariaeth biniau sbwriel ac aflonyddwch i’r ffyrdd yn ystod y gwaith adeiladu.