Ffordd Abergele - Teithio Llesol

start content

Yr A547 Ffordd Abergele yw’r brif ffordd i ac o Fae Colwyn yn y dwyrain a chanol tref Bae Colwyn yn y gorllewin. Mae’n uno â Ffordd Conwy heibio’r groesffordd â Ffordd yr Orsaf. Mae hefyd yn uno nifer o ardaloedd preswyl â Theatr Colwyn, Stadiwm CSM (Stadiwm Eirias), Canolfan Hamdden Colwyn, Pencadlys Heddlu Gogledd Cymru ac ysgolion.

Materion allweddol

Nid oes unrhyw gyfleusterau beicio ar neu oddi ar y ffordd ar hyd y rhan hon.
Nid oes digon o gyrbau isel mewn rhai lleoliadau i helpu cerddwyr â phroblemau symudedd neu nam golwg. Mae angen gwneud gwelliannau i groesfannau rhai ffyrdd ymyl.
Mae rhai palmentydd ar hyd y llwybr yn gul ac o bosib fod angen gwneud gwaith cynnal a chadw arnynt.
Nid yw lled ffyrdd yn ddelfrydol ar gyfer beicwyr ar hyn o bryd.
Mae adolygiad o’r croesfannau i gerddwyr yn dangos bod modd gwneud gwelliannau.
Mae’r cylchfannau presennol yn defnyddio rhan sylweddol o’r ffordd, gan olygu bod pobl sy’n croesi’r ffordd yn gorfod cerdded yn bellach.

Cynigion

Darparu llwybr a rennir lletach a di-dor i gerddwyr a beicwyr ar ochr ogleddol Ffordd Abergele o gylchfan y Marine ger Rotary Way at Ffordd yr Orsaf.
Gosod cyfleusterau croesi paralel ar gylchfan y Marine.
Culhau lled y ffordd i 6 metr, gan hyrwyddo diogelwch ar y ffordd trwy leihau cyflymder cerbydau.
Symud gofodau parcio ar y stryd i strydoedd ochr lle bo modd, er mwyn gwneud lle i’r gwelliannau.
Adleoli a lledu’r croesfannau twcan a’r rhai heb eu rheoli er hwylustod a chysur i gerddwyr.
Creu cyffyrdd wedi’u codi newydd ar y prif groesfannau er mwyn gwella diogelwch a’i gwneud hi’n haws i gerddwyr groesi’r ffordd.
Gosod cyrbau isel newydd, palmant botymog, a chroesfannau ffyrdd ymyl uwch, er mwyn rhoi mwy o ddiogelwch a chysur i gerddwyr.
Cynyddu maint ardaloedd aros mewn safleoedd bws a gosod cysodfannau newydd.
Creu ardaloedd wedi’u tirlunio yn cynnwys coed a gerddi glaw ar hyd Ffordd Abergele.