Ffordd Penrhyn

start content

Mae Ffordd Penrhyn yn cysylltu Rhodfa'r Tywysog â Ffordd Abergele/ Ffordd Conwy. Ar ddwy ochr y stryd, mae siopau, seddi yn yr awyr agored a llefydd bwyta ac yfed. Mae’r stryd unffordd, dwy lôn (tua’r de) yn tua 6.5 metr o led. Mae gofodau parcio ar gael am gyfnod cyfyngedig o amser bob ochr i’r stryd.

Er bod y palmentydd presennol yn llydan, mae canopïau adeiladau a chelfi stryd eraill gan gynnwys ardaloedd planhigion yn cymryd lle. Ar y cyfan, mae’r man cyhoeddus yn lle deniadol, o ansawdd da.

Materion allweddol

Er bod y rhan fwyaf o balmentydd yn lletach na 2 fetr, mae’r celfi stryd a’r mannau eistedd ychwanegol yn ei gwneud hi’n anodd weithiau i breswylwyr symud o gwmpas.
Gellir gwella croesfannau cerddwyr.
Gall parcio parhaus bob ochr i’r ffordd ei gwneud hi’n anodd i gerddwyr weld traffig sy’n dod i’w cyfeiriad, yn enwedig pan fydd pobl yn croesi’r ffordd rhwng ceir sydd wedi’u parcio.
Mae’r lled 6.5 metr ar gyfer ffordd unffordd yn lletach na’r arfer, ac felly’n annog cyflymderau uwch.
Nid oes unrhyw gyfleusterau penodol ar gyfer beics ar hyn o bryd (megis lôn feicio gwrthlif) sy’n caniatáu i feicwyr deithio i lawr y ffordd (i gyfeiriad y gogledd).

Cynigion

Culhau’r ffordd i greu ardal fwy ar gyfer cerddwyr a darparu mwy o ardaloedd cerdded a seddi ar hyd Ffordd Penrhyn.
Gosod cynwysyddion uchel ar gyfer coed a phlanhigion gyda seddi integredig, er mwyn gwneud i’r ardal edrych yn fwy deniadol. Byddai’r coed a’r planhigion yn cael eu gosod ar ochr orllewinol y ffordd, lle mae cerbydau’n parcio ar hyn o bryd. Mae gofodau parcio ychwanegol wedi’u cynnwys yn natblygiad y maes parcio arfaethedig ar hen safle Neuadd y Farchnad.
Creu cyffyrdd newydd wedi’u codi bob pen i Ffordd Penrhyn er mwyn gwella diogelwch a’i gwneud yn haws i gerddwyr groesi’r ffordd.
Ychwanegu lôn feicio gwrthlif newydd a lle parcio ar gyfer beics.
Gosod mwy o arwyddion dynodi’r ffordd er mwyn ei gwneud hi’n haws i bobl ddod o hyd i atyniadau lleol allweddol.